တောင်စွန်းတိုက်ပွဲ (၅)ရက်အတွင်း အကြမ်းဖက်စစ်ကောင်စီ (၈၀) ခန့် သေဆုံးပြီး ရာဂဏန်းခန့် ထိခိုက်ဟု S.O.F ထုတ်ပြန်

ဘုရားသုံးဆူမြို့နယ်၊ တောင်းစွန်းကျေးရွာမှာ တပ်စွဲထားတဲ့ အကြမ်းဖက်စစ်တပ်ကို KNLA တပ်ရင်း ၁၆ ၊ အထူးစစ်ဆင်ရေးတပ်ဖွဲ့ S.O.F နဲ့ ဗျူဟာမှူး ဗိုလ်အယ်ဆေးဝါးဦးဆောင်တဲ့ Lion battalion စစ်ကြောင်းတို့ ပူးပေါင်းပြီး ဇန်နဝါရီ (၁) ရက် နံနက် ၄ နာရီ ၄၅ မိနစ်မှာ စတင်တိုက်ခိုက်ခဲ့ကြတာပါ။

ဇန်နဝါရီ ၁ ရက်ကနေ ၅ ရက်အထိ နေ့ရောညပါ တိုက်ပွဲပြင်းထန်ခဲ့ပြီး အကြမ်းဖက်စကစမှ လေကြောင်းပစ်ကူ၊ လက်နက်ကြီးပစ်ကူတွေနဲ့အတူ ခြေလျင်စစ်ကူတွေ အလုံးအရင်း အသုံးပြု တိုက်ခိုက်ခဲ့တာကို တော်လှန်ရေးပူးပေါင်းအဖွဲ့တွေကလည်း လက်နက်ကြီးတွေ၊ ဒရုန်းဗုံးသီးတွေနဲ့၊ စနိုက်ပါတပ်ဖွဲ့တို့နဲ့ အပြင်းအထန်ချေမှုန်းနိုင်ခဲ့တယ်လို့ ဆိုပါတယ်။

အကြမ်းဖက်စစ်ကောင်စီ ၈၀ ဦးခန့် သေဆုံးခဲ့ပြီး ရာနဲ့ချီထိခိုက်ဒဏ်ရာရရှိခဲ့သလို S.O.F တပ်ဖွဲ့ဝင် ရဲဘော် (၆) ဦး၊ ပူးပေါင်းအဖွဲ့မှ ရဲဘော် ၃ ဦး စုစုပေါင်း ၉ ဦး က တိုင်းပြည်နဲ့ ပြည်သူအတွက် မြင့်မြတ်စွာအသက်ပေးလှူခဲ့ပြီး ၁၅ ဦး ထိခိုက်ဒဏ်ရာ(မစိုးရိမ်ရ) ရရှိခဲ့တယ်လို့ ထုတ်ပြန်ချက်အရ သိရပါတယ်။