ရွှေဘိုမြို့မရဲစခန်း၊ မြဝတီဘဏ်တို့ရှိ စစ်ကောင်စီလုံခြုံရေးအဖွဲ့ မိုင်းနဲ့ပစ်ခတ်တိုက်ခိုက်ခံရပြီး (၂)ဦးသေဆုံး

စစ်ကိုင်းတိုင်း၊ ရွှေဘိုမြို့ရှိ အကြမ်းဖက် စစ်ကောင်စီတပ်ဖွဲ့တွေရှိတဲ့ မြို့မရဲစခန်းနဲ့ မြဝတီဘဏ် လုံခြုံရေးအဖွဲ့ကို ဖေဖေါ် ဝါရီ (၁၉)ရက်ည (၇)နာရီအချိန်မှာ လက်ပစ်မိုင်း နဲ့ ပစ်ခတ်တိုက်ခိုက်ခဲ့တယ်လို့ Who am i-Army အဖွဲ့ က ထုတ်ပြန်ထားချက်အရ သိရပါတယ်။

ရွှေဘိုမြို့၊ လမ်းမတော်လမ်းရှိ မြဝတီဘဏ်ရှေ့ဘန်ကာထဲက ကင်းစောင့်နေတဲ့ စစ်ကောင်စီတပ်သား (၇)ဦးကို Who am i-Army နဲ့ Ranger Army ပူးပေါင်းတပ်ဖွဲ့တွေက K.R.L လက်ပစ်မိုင်းနဲ့ ပစ်ခတ်တိုက်ခိုက်ခဲ့တာဖြစ်တယ်လို့ Who am i-Army အဖွဲ့ ပြန်ကြားရေး ကပြောပါတယ်။

အဲဒီလိုပစ်ခတ်တိုက်ခိုက်ပြီးချိန်မှာ အကြမ်းဖက် စစ်ကောင်စီ ဘက်ကပြန်လည်ပစ်ခတ်မှုများရှိခဲ့ပြီး စစ်ကောင်စီ ဘက်က နှစ်ဦးသေဆုံးခဲ့တယ်လို့သိရပါတယ်။

ဒါ့အပြင် ရွှေဘိုမြို့မ ရဲစခန်းကို Who am i-Army နဲ့ Ranger Army ပူးပေါင်းတပ်ဖွဲ့တွေက ဖေဖေါ် ဝါရီ (၁၈) ရက်မှာ လက်ပစ်ဗုံးနဲ့ ရဲစခန်းအတွင်း က မျှော်စင်ပေါ်မှာ ကင်းစောင့်နေတဲ့ရဲတွေကို ပစ်ခတ်တိုက်ခိုက်‌ခဲ့ပါသေးတယ်။

အဲဒီတိုက်ခိုက်မှုမှာ ထိခိုက်မှုအခြေအနေကိုတော့ စိစစ်နေဆဲဖြစ်တယ်လို့ Who am i-Army အဖွဲ့ ပြန်ကြားရေးက ထုတ်ပြန်ထားတယ်လို့သိရပါတယ်။