Myanmar
Englishအကြမ်းဖက်စစ်တပ်က ကော့ကရိတ်မြို့နယ်က ကျေးရွာတွေပေါ်ကိုလက်နက်ကြီးတွေနဲ့ ပစ်ခတ်တိုက်ခိုက်ခဲ့တယ်လို့ KNU ဗဟိုက ထုတ်ပြန်လိုက်ပါတယ်။
လက်နက်ကြီး ထိမှန်မှုကြောင့်နေအိမ် ၁၄ လုံးပျက်စီးပြီး ပြည်သူ ၂ ဦးဒဏ်ရာရခဲ့တယ်လို့ သိရပါတယ်။
ဒီဇင်ဘာ( ၁ )ရက် မနက် ၁၀ နာရီခန့်က ကော့ကရိတ်အခြေစိုက် စကစ အမြောက်တပ်ရင်းက ကော့ရိတ်မြို့ နယ်၊ ဘော်ဒိုင်းကျေးရွာအတွင်းကို ၁၂၀ မမ လက် နက်ကြီး(၄)လုံး နဲ့ ပစ်ခတ်တိုက်ခိုက်ခဲ့တာပါ။
အဲဒီလိုပစ်ခတ်မှုမှာ နေအိမ် (၂) လုံး ပျက်စီးပြီး အသက် ၅၅ နှစ်အရွယ် တဦး နဲ့ အသက် ၂၆ နှစ်အရွယ် လူငယ်တဦး တို့ ထိ ခိုက် ဒဏ်ရာပြင်ထန်စွာရရှိခဲ့ပြီး စိုးရိမ်ရတဲ့အခြေနေရှိတယ်လို့သိရပါတယ်။
ဒီဇင်ဘာ (၂) ရက် မှာ ကော့ကရိတ်အခြေစိုက် အမြောက်တပ်ကုန်း က ဘော်ဒိုင်းကျေးရွာ အတွင်း ကို ၁၂၀ မမ လက်နက်ကြီး နဲ့ ထပ်မံပစ်ခတ်ခဲ့ တဲ့အတွက် လူနေအိမ် (၈)လုံး၊ နွား(၄)ကောင်၊ စပါးခြွေလှေ့ စက်နဲ့ကားတစ်စီးထိခိုက်ပျက်စီးခဲ့ရပါတယ်။
ဒါ့အပြင် ဒီဇင်ဘာ (၂) ရက် ညသန်းခေါင်အချိန် ကော့ကရိတ် ရေကျော်ကြီး အောက်ဖက်တပ်စခန်းကနေ ၁၀၅ မမ (ဟောင်ဝပ်စာ) လက်နက်ကြီးဖြင့် ဖားကျကျေးရွာအတွင်း ပစ်ခတ်ခဲ့တဲ့အတွက် နှစ်ထပ်တိုက်အိမ်တစ်လုံး ထိခိုက်ပျက်စီးခဲ့ပြီး ထီးဝါးခို့ပိုင်းရှိ တိုက်ခံပျဉ်ထောင်အိမ် တစ် လုံး လည်း ပျက်စီးခဲ့ရတယ်လို့သိရပါတယ်။
