အင်အား(၈၀)ခန့် စစ်ကောင်စီစစ်ကြောင်းကို ကသာနှင့်ထီးချိုင့်ကြားမှာ PDF က မိုင်းဆွဲတိုက်ခိုက်

◼မိုင်းဆွဲခံရတဲ့ စစ်တပ်ဟာ ဒေသခံ (၂) ဦးကို သတ်ဖြတ်ခဲ့ပြီး သုံးဦးထက်မနည်းကို ဖမ်းဆီးသွား

ကသာနှင့်ထီးချိုင့်မြို့ကြားမှာ အင်အား (၈၀) ခန့်ရှိတဲ့ အကြမ်းဖက် စစ်ကောင်စီစစ်ကြောင်းကို ဖေဖော်ဝါရီ(၁၉)ရက်မှာ ပြည်သူ့ကာကွယ်​ရေးတပ်ဖွဲ့( PDF )အဖွဲ့က မိုင်းဆွဲတိုက်ခိုက်ခဲ့ရာ (၁၅)ဦးသေဆုံးခဲ့တယ်လို့ သိရပါတယ်။

မိုင်းဆွဲခံရပြီးနောက်မှာ အကြမ်းဖက် စစ်ကောင်စီတပ်ဟာ အနီးနားရှိ ကလုံရွာက ဒေသခံ နှစ်ဦးကို သတ်ဖြတ်ခဲ့ပြီး သုံးဦးထက်မနည်းကို ဖမ်းဆီးသွားပါတယ်။

အကြမ်းဖက် စစ်ကောင်စီတပ်ဟာ ဖေဖေါ်ဝါရီ (၁၉) ရက်က စတင်ပြီး ကလုံရွာမှာ တပ်စွဲကာ အရပ်သားများကို ဖမ်းဆီးခြင်း၊ သတ်ဖြတ်ခြင်းတွေ ပြုလုပ်ခဲ့တယ်လို့ ​ဒေသခံတွေက ပြောပါတယ်။

လက်ရှိအခြေအနေမှာ ကသာမြို့နယ်အတွင်း က ကျွန်းပင်ရွာ၊တမန်းဒေါင့်ရွာ နဲ့ ဖွက်ရွာတို့မှာ စစ်ကြောင်းသုံးကြောင်းခွဲပြီး စစ်ကောင်စီက တပ်စွဲထားတယ်လို့ ကသာမြို့နယ်ပြည်သူ့အုပ် ချုပ်ရေးအဖွဲ့ က ထုတ်ပြန်ချက်အရ သိရပါတယ်။