Myanmar
Englishအမျိုးသားညီညွတ်ရေးအစိုးရ အဖွဲ့က အစိုးရအဖွဲ့ရဲ့ ပြောရေးဆိုခွင့်ရှိသူနှစ်ဦးကို တာဝန် ပြောင်းလဲခန့်အပ်လိုက်ပါတယ်။
ဦးကျော်ဇော် (နိုင်ငံတော်သမ္မတရုံး) နဲ့ ဦးနေဘုန်းလတ် (ဝန်ကြီးချုပ်ရုံး) တို့ကို NUG ရဲ့ ပြောရေးဆိုခွင့်ရှိသူတွေအဖြစ် ဒီဇင်ဘာ(၁၄) ရက် ရက်စွဲနဲ့ ထုတ်ပြန်ကြေညာထားတာပါ။
ယခင်က ခန့်အပ်တာဝန်ပေးထားတဲ့ ပြည်ထောင်စုဝန်ကြီးတွေဟာ သက်ဆိုင်ရာဝန်ကြီးဌာနလုပ်ငန်းတာဝန်တွေများပြားတဲ့အတွက်ကြောင့် အခုလိုပြောင်းလဲခန့်အပ်တာဝန်ပေးလိုက်တာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
သမ္မတရုံး ပြောရေးဆိုခွင့်ရှိသူက ယာယီသမ္မတရဲ့ ဆောင်ရွက်ချက်များ၊ အစိုးရရဲ့မူဝါဒများနဲ့ သမ္မတရုံးနဲ့ သက်ဆိုင်တဲ့ သတင်းအချက်အလက်များကို ဦးစားပေး ထုတ်ဖော် ပြောကြားမှာဖြစ်ပြီး ဝန်ကြီးချုပ်ရုံး ပြောရေးဆိုခွင့်ရှိသူက ဝန်ကြီးချုပ် အပါအဝင် အစိုးရအဖွဲ့အတွင်း ဆောင်ရွက်ချက်များ၊ အစိုးရရဲ့မူဝါဒများနဲ့ သက်ဆိုင်တဲ့ သတင်းအချက်အလက်များကို ဦးစားပေး ထုတ်ဖော် ပြောကြားရမှာဖြစ်တယ်လို့ သိရပါတယ်။
