ဖရူဆို မှာ အင်အား (၅၀) ပါ စစ်အုပ်စုကို KNDF ရုတ်တရက် တိုက်ခိုက်

ဖရူဆို မှာ အင်အား(၅၀) ပါဝင်တဲ့ စစ်အုပ်စုတပ် ကို KNDF က ရုတ်တရက် ဝင်ရောက်တိုက်ခိုက်ခဲ့ရာမှာ တဦးသေ ၊ တဦး ဒဏ်ရာရရတယ်လို့ သိရပါတယ်။

ကရင်နီအမျိုးသားများကာကွယ်ရေးတပ်(KNDF) တပ်ရင်း – ၄ က ဒီကနေ့ ဒီဇင်ဘာ (၁၄) ရက်စွဲနဲ့ ထုတ်ပြန်ထားပါတယ်။
ဒီဇင်ဘာ (၁၃) ရက် နေ့လယ် ၁ နာရီခန့်က စစ်ကောင်စီတပ်ဟာ အင်အား (၅၀) နဲ့ စစ်ကြောင်းထိုးလာတာပါ။ အဲဒီစစ်ကြောင်းကို ကရင်နီတပ်မတော် (KA) နဲ့ KNDF တပ်ရင်း (၄) တို့ ရုတ် တရက်ဝင်တိုက်ခိုက်ခဲ့တာပါ။

လက်ရှိ အခြေအနေများအရ ကရင်နီ ဒေသ အစုံမှာ စစ်အုပ်စု စစ်ကြောင်းထိုးနေတာဖြစ်ပြီး ကရင်နီပူးပေါင်းတပ်တွေနဲ့ ထိတွေ့တိုက်ပွဲတွေဖြစ်ပွားနေတာ ဖြစ်ပါတယ်။

ဒီဇင်ဘာ (၉) ရက်က ဖရူဆိုမြို့နယ် မားခရော်ရှေ့ကျေးရွာအနီးမှာ ရှိတဲ့ အကြမ်းဖက် စစ်ကောင်စီတပ်စခန်း ကို ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့ပါတယ်။

အဲဒီတိုက်ပွဲမှာ အကြမ်းဖက် စစ်ကောင်စီတပ်က ငါးဦးထက်မနည်းသေဆုံး ပြီး ကရင်နီပူးပေါင်း အဖွဲ့က ရဲဘော်နှစ်ဦး ကျဆုံးခဲ့ရတယ်လို့သိရပါတယ်။