စစ်ကောင်စီတပ်နှင့် KNLA ၊ PDF ပူးပေါင်းတပ်ဖွဲ့တို့ ကော့ကရိတ် တွင်တိုက်ပွဲပြင်းထန်

◼စစ်တပ်ဘက်မှ ဗိုလ်ကြီး အဆင့်များပါ ကျဆုံးလျက်ရှိနေ

ဒီကနေ့ ဒီဇင်ဘာ (၂၂) ရက် မနက် ၄ နာရီခွဲ အချိန်က ကော့ကရိတ်မြို့နယ် ကော့နွဲ့ကျေးရွာအနီးမှာ အကြမ်းဖက်စစ်ကောင်စီ တပ်နဲ့ KNLA ၊ PDF ပူးပေါင်းတပ်တို့ တိုက်ပွဲတွေပြင်းထန်နေပါတယ်။

ဒီနေ့ မနက်ပိုင်း ၈:၄၈ မိနစ်က အကြမ်းဖက် စစ်ကောင်စီဘက်က လက်နက်ကြီးတွေနဲ့ အဆက်မပြတ်ပစ်ခတ်
ခဲ့တဲ့အပြင် အင်အားသုံး စစ်ကြောင်းထိုးကာ ကော့နွဲ့ရွာထဲ ရောက်လာခဲ့တာဖြစ်ပါတယ်။

အဲဒီနောက် မနက် ၉:၁၇ မိနစ်မှာ KNLA၊ PDF ဒေါနစစ်ကြောင်း၊ ကော်ဘရာစစ်ကြောင်း၊ Federal Wings စတဲ့ ပူပေါင်း တပ်ဖွဲ့တွေနဲ့ ထိတွေ့တိုက်ပွဲတွေ ထပ်မံဖြစ်ပွားနေတယ်လို့သိရပါတယ်။

နှစ်ဘက်တိုက်ပွဲ ပြင်းထန်ခဲ့ပြီး အကြမ်းဖက် စစ်ကောင်စီဘက်က ဗိုလ်ကြီး အဆင့်ရှိသူ(၁)ဦး အပါအဝင် စစ်ကောင်စီတပ်သား အများအပြားသေဆုံးခဲ့တယ်လို့သိရပါတယ်။

ပူးပေါင်းတပ်ဖွဲ့က ရဲဘော် (၁) ဦး ထိခိုက်ဒဏ်ရာ မစိုးရိမ်ရ ရရှိခဲ့ပါတယ်။

စစ်ကောင်စီဘက်က လက်နက်ကြီးတွေနဲ့ ရွာ တွေထဲကို ပစ်ခတ်ခဲ့တဲ့အတွက် ဒေသခံများရဲ့ နွား (၁၀)ကောင်သေဆုံးခဲ့ရတယ်လို့သိရပါတယ်။ မနက် ပိုင်း ၅ နာရီ အချိန်ကလည်း လေယာဉ် ၂ စီးနဲ့ ဗုံးကြဲချခဲ့ပါသေးတယ်။ ဒါပေမယ့် ပူးပေါင်းအဖွဲ့ကတော့ ထိခိုက်မှု မရှိခဲ့ပါဘူး။