အကြမ်းဖက်စစ်ကောင်စီက စစ်ကြောင်းထိုးနေသဖြင့် တိုက်ပွဲပြင်းထန်လျက်ရှိ

ပဲခူးရိုးမအတွင်း တောင်ငူခရိုင် PDF တပ်ရင်း ၃၅၀၁ နှင့် အကြမ်းဖက် စစ်ကောင်စီတပ်တို့ ဒီဇင်ဘာ(၁၅)ရက်ကစတင်ပြီး ထိတွေမှုတိုက်ပွဲ(၁၁) ကြိမ်ထက်မနည်း ဖြစ်ပွားခဲ့ကြောင်း ပဲခူးတိုင်းစစ်ဒေသအဖွဲ့က သတင်းထုတ်ပြန်ထားပါတယ်။

အကြမ်းဖက်စစ်ကောင်စီတပ်မှ ဗိုလ်မှူး နန္ဒအောင်နှင့် အရာရှိတဦး အပါအဝင် အခြားအဆင့် (၂၀) ဦးထက်မနည်း သေဆုံးပြီး အမ်အေ-၂ စက်သေနတ် (၁) လက်၊ အမ်အေ-၁ ချေမှုန်းရေးရိုင်ဖယ် (၂) လက်၊ အမ်အေ-၃ ချေမှုန်းရေးရိုင်ဖယ် (၂) လက်၊ ၆၀-မမ ဗုံးသီး (၁) ခု၊ အာပီဂျီ ဗုံးသီး (၁) ခု နဲ့ ကျည်ဆံမျိုးစုံ တို့ကို သိမ်းဆည်းရရှိထားတယ်လို့ ဆိုပါတယ်။

တောင်ငူခရိုင် PDFတပ်ရင်းမှ တပ်ဖွဲ့ဝင်(၃) ဦး ကျဆုံးခဲ့ပြီး ရဲဘော်တဦး ​ဒဏ်ရာ(မစိုးရိမ်ရ)ရရှိထားပြီး ယနေ့အထိ အကြမ်းဖက်စစ်ကောင်စီတပ်တွေက စစ်ကြောင်းထိုးနေတာကြောင့် တိုက်ပွဲတွေ ပြင်းထန်လျက်ရှိတယ်လို့ သိရပါတယ်။