Myanmar
Englishရေစကြိုမြို့ပေါ် အမှတ် (၁)ရက်ကွက် ကပ်ကျော်ကျောင်းတိုက်မှာ တပ်စွဲထားတဲ့ စစ်ကောင်စီတပ်ကို ဒေသကာကွယ်ရေး တပ်ဖွဲ့က ဝင်ရောက်ပစ်ခတ် တိုက်ခိုက်ခဲ့တယ်လို့ သိရပါတယ်။
အဲဒီလိုပစ်ခတ်တိုက်ခိုက်ခဲ့တာကြောင့် စစ်အုပ်စုဘက်က (၄)ဦးသေဆုံးခဲ့ပြီး အများအပြားဒဏ်ရာရရှိခဲ့သလို စစ်အုပ်စုက ပြန်လည်ပစ်ခတ်တဲ့အတွက်လည်း ပြည်သူနှစ်ဦးသေဆုံးခဲ့ရတယ်လို့သိရပါတယ်။
ရေစကြိုမြို့ပေါ် ရှိ စစ်ကောင်စီတပ်စခန်းတွေက လက်နက်ကြီး၊ လက်နက်ငယ် တွေနဲ့ ပြန်လည် ပစ်ခတ်တိုက်ခိုက်ခဲ့တဲ့အတွက် ပြည်သူတွေရဲ့ နေအိမ်တွေ ကို ထိမှန်လာပြီး ပြည်သူထိခိုက်နိုင်တဲ့အတွက် အပစ်ရပ်ကာ ပြန်လည်ဆုတ်ခွာပေးခဲ့တယ်လို့Tiger (MBT) သတင်းနှင့် ပြန်ကြားရေးတာဝန်ခံက ထုတ်ပြန်ထားပါတယ်။
အဲဒီတိုက်ခိုက်မှု့ကို ဇန်နဝါရီ (၁)ရက် က ပြုလုပ်ခဲ့တာဖြစ်ပြီး Myingyan Black Tiger (MBT)နှင့် ညီနောင်မဟာမိတ် တပ်ဖွဲ့များက ပူးပေါင်းတိုက်ခိုက်ခဲ့ကြတာဖြစ်ပါတယ်။
