ဒုတိယ လွတ်လပ်ရေးကို အရယူပြီး နိုင်ငံသစ်ကိုထူထောင် နိုင်ကြဖို့ အမျိုးသားညီညွတ်ရေးအစိုးရက ၇၅ နှစ်မြောက် လွတ်လပ်ရေးနေ့ အခမ်းအနားသို့ သဝဏ်လွှာပေးပို့

လွတ်လပ်ရေးနေ့ရဲ့သမိုင်းအောင်ပွဲဆီက အောင်စိတ်ကို နှလုံးသွင်းပြီး အကြမ်းဖက်စစ်အာဏာရှင်အား အမြစ်ဖြတ်ရန် တိုက်တွန်း

တိုင်းပြည်ရဲ့ အနာဂတ်တစ်ခုလုံးအား နင်းခြေဖျက်ဆီးရန် ကြိုးစားနေ တာကို တိုင်းရင်းသား ပြည်သူလူထုတစ်ရပ်လုံးက ခေါင်းငုံ့မခံပဲ ရင်ဆိုင်တုံ့ပြန်နေကြတဲ့ အချိန်ကာလဖြစ်ပြီး၊

စစ်အာဏာရှင်အမြစ်ဖြတ်ရေးနဲ့ ဖက်ဒရယ်ဒီမိုကရေစီစနစ် ဖော်ဆောင်ရေး ဘုံရည်မှန်းချက်ပန်းတိုင်ကို မျက်ချေပြတ်မခံဘဲ လူအင်အား၊ လက်နက်အင်အား မိမိထက် အဆပေါင်းများစွာသာလွန်တဲ့ တိုင်းတပါးနယ်ချဲ့များကို တော်လှန်စိတ်ဓာတ်များ လက် ဆင့်ကမ်းသယ်ဆောင်ပြီး၊

ဇွဲခတ်ကာ မြန်မာ့လွတ်လပ်ရေးကို အရယူနိုင်ခဲ့တဲ့ သမိုင်းအောင်ပွဲရဲ့ အောင်စိတ်ကို နှလုံးသွင်းလျက် အကြမ်းဖက်စစ်အာဏာရှင်အား အမြစ်ဖြတ်ပြီး၊

ဒုတိယ လွတ်လပ် ရေးကို အရယူပြီး နိုင်ငံသစ်ကိုထူထောင် နိုင်ကြဖို့နဲ့ လက်ရှိ ရရှိလျက်ရှိတဲ့ စည်းလုံးညီညွတ်မှုနဲ့ ရှေ့ဆက်ချီတက်သွားကြရေးအတွက် အမျိုးသားညီညွတ်ရေးအစိုးရက တိုက်တွန်းထားတာ တွေ့ရပါတယ်။