ကော့ကရိတ်(၁၃)ရက်ကြာ တိုက်ပွဲအတွင်း စကစဗိုလ်မှူး(၂)ဦး အပါအဝင် (၄၈)ဦး သေဆုံးပြီးသံချပ်ကာကား(၂)စီးကို ကော်ပရာစစ်ကြောင်းနဲ့ ပူးပေါင်းအဖွဲ့တွေက တိုက်ခိုက်ဖျက်ဆီးနိုင်ခဲ့

◼စကစဘက်မှ (၆၁)ဦး ဒဏ်ရာရပြီး လက်နက်ခဲယမ်းများစွာ ကော်ပရာစစ်ကြောင်းက သိမ်းဆည်းရမိ

(၁၃)ရက်ကြာ ဖြစ်ပွားခဲ့တဲ့ကော့ကရိတ်၊ အာရှလမ်းတိုက်ပွဲမှာ အကြမ်းဖက်စစ်ကောင်စီဘက်မှ ဗိုလ်မှူး(၂)ဦး အပါအဝင် (၄၈)ဦး သေဆုံးကာ၊ (၆၁)ဦး ဒဏ်ရာရပြီး လက်နက်ခဲယမ်းများစွာ သိမ်းဆည်းရမိတယ်လို့ ကော်ပရာစစ်ကြောင်းက သတင်းထုတ်ပြန်ပါတယ်။

အကြမ်းဖက်စစ်ကောင်စီရဲ့ နယ်မြေခံတပ် ခလရ ၂၃၁၊ ခလရ ၂၃၀၊ ခလရ ၉၇၊ အမြှောက်တပ် ၅၄၇၊ တပ်မ(၄၄) လက်အောက်ခံ ခမရ ၉၊ ခလရ ၁၀၄၊ တပ်မ(၁၁) ထုတ်နုတ်အင်အား တို့က ကော့ကရိတ်တောင်ပိုင်း အာရှလမ်းနဲ့ ကော့နွဲကျေးရွာဘက်ကို အင်အားအလုံးအရင်းနဲ့ ဒီဇင်ဘာ (၁၉)ရက်မှာ ကျူးကျော်ဝင်ရောက်လာကြောင့် လုံခြုံရေးယူထားတဲ့ ပူးပေါင်းတပ်ဖွဲ့နဲ့ ဒီဇင်ဘာ(၃၁) ရက်အထိ တိုက်ပွဲ ပြင်းထန်စွာ ဖြစ်ပွားခဲ့တာပါ။

KNLA တပ်ရင်း(၁၈)၊ တပ်ရင်း(၂၇)၊ Cobra စစ်ကြောင်း၊ ဒေါနစစ်ကြောင်း၊ ကျားဖြူစစ်ကြောင်း၊ နဂါးဖြူစစ်ကြောင်း၊ Federal Wings ဒရုန်းတပ်ဖွဲ့၊ Golden Eagles ဒရုန်းတပ်ဖွဲ့ တို့က ပူးပေါင်းတိုက်ခိုက်ခဲ့တာဖြစ်ပြီး Cobra စစ်ကြောင်းက (၁၀)ဦး ဒဏ်ရာရ၊ (၁)ဦးကျဆုံးခဲ့သလို ဒေါနစစ်ကြောင်းမှ (၄)ဦးဒဏ်ရာရ၊ နဂါးဖြူစစ်ကြောင်းမှ (၃)ဦး ဒဏ်ရာရရှိခဲ့ပါတယ်။

MA3 (၂)လက်၊ MA2 (စက်ကလေး) (၁)လက်၊ ကျည်ဘောက် (၁၂)ဘောက်၊ ၄၀မမ ကျည် (၂၉)လုံး၊ ခြေနင်းမိုင်း (၂)လုံး၊ လက်ပစ်ဗုံး (၆)လုံး၊ RPGကျည် (၂)လုံး၊ ပို့ယမ်း (၃)တောင့်၊ ၆၀မမကျည် (၁)လုံး၊ အီနာဂါ (၁)လုံး၊ ၇.၆၂ကျည် (၆၅၀)တောင့် ၊ ၅.၅၆ကျည် (၅၆၅)တောင့်၊ ကျည်ကာခမောက် (၆)လုံး တို့ကို Cobra စစ်ကြောင်းမှ သိမ်းဆည်းရမိ၊ KNLA တပ်ရင်း(၁၈) မှ MA3 (၁)လက် တို့ကို အကြမ်းဖက်စစ်ကောင်စီထံက သိမ်းဆည်းရမိပြီးသံချပ်ကာကား (၂)စီးကိုလည်း ဖျက်ဆီးနိုင်ခဲ့တယ်လို့ ကော်ပရာ စစ်ကြောင်းက သတင်းထုတ်ပြန်ထားပါတယ်။
©The Voice of Spring