မြန်မာ့အရေး အင်ဒိုနီးရှား နိုင်ငံခြားရေးဝန်ကြီး ကိုယ်တိုင် အာဆီယံ အထူးသံတမန်ရုံးဖွင့်လှစ် ဆောင်ရွက်မည်

■ မြန်မာ့အရေး အဖြေပေါ်အောင် အင်ဒိုနီးရှား အစွမ်းကုန်ကြိုးပမ်းမည်ဟု ကတိပြု ၊ မြန်မာ့အရေးသက်ဆိုင်သူများ အားလုံးနဲ့ ဆွေးနွေးနိုင်ရန်လုပ်ဆောင်မည်

မြန်မာ့ရေးရာ ကိစ္စတွေကို ဖြေရှင်းဖို့အတွက် အာဆီယံ အထူးသံတမန်ရုံးဖွင့်လှစ်သွားမှာ ဖြစ်ပြီး အင်ဒိုနီးရှား နိုင်ငံ ရဲ့ နိုင်ငံခြားရေးဝန်ကြီး ရက်နိုမာဆူဒီ (Retno Marsudi) က သူမ ကိုယ်တိုင်ဦးဆောင်သွားမှာ ဖြစ်တယ်လို့ ဇန်နဝါရီ (၁၀) ရက် နှစ်သစ်ကူးမိန့်ခွန်း မှာ ပြောကြားလိုက်တယ်လို့သိရပါတယ်။

အင်ဒိုနီးရှားနိုင်ငံဟာ လက်ရှိမှာ အာဆီယံ အလှည့်ကျ ဥက္ကဌ တာဝန်ကို ရယူထားတာလည်းဖြစ်ပါတယ်။
မြန်မာနိုင်ငံက သက်ဆိုင်သူအားလုံးနဲ့ အာဆီယံ အတွင်းရေးမှူးချုပ် တွေ့ခွင့်ရဖို့လည်း တောင်းဆိုလိုက်ပါတယ်။

အာဆီယံ အထူးသံတမန်အဖြစ် ဆောင်ရွက်မယ့် ကာလအတွင်းမှာ မြန်မာ့အရေးသက်ဆိုင်သူတွေအားလုံးနဲ့ ဆွေးနွေးနိုင်ဖို့ လုပ်ဆောင်သွားမယ်လို့ အင်ဒိုနီးရှားနိုင်ငံခြားရေးဝန်ကြီး ရက်နိုမာဆူဒီ (Retno Marsudi) က ပြောကြားပါတယ်။

နိုင်ငံတော် အဆင့် စေ့စပ်ဆွေးနွေးမှုတွေ လုပ်ဆောင်သွားမှာဖြစ်ပြီး နိုင်ငံရေး ပြသနာကနေ မြန်မာနိုင်ငံအတွက် အဖြေပေါ်အောင် အင်ဒိုနီးရှားအနေနဲ့ တတ်နိုင်သမျှ အစွမ်းကုန်ကြိုးစားသွားမယ်လို့ သူမက ကတိပေးလိုက်ပါတယ်။

မြန်မာ့အရေးနဲ့ ပတ်သက်ပြီး အာဆီယံကချမှတ်ထားတဲ့ ဘုံသဘောတူညီချက် ငါးချက်ကို စစ်ကောင်စီဘက်က လိုက်နာအကောင်အထည်ဖော်တာ မရှိသေးဘူးလို့လည်း ရက်နိုမာဆူဒီကထောက်ပြ ပြောကြားထားတာပါ။