Myanmar
English■ NUG အနေဖြင့် ကျဆုံးခဲ့ရသူ တစ်ဦးတစ်ယောက်ချင်းစီတိုင်းအတွက် တရားမျှတမှုကို ပြန်လည်ရရှိနိုင်ရေး အစွမ်းကုန်ကြိုးစား ဆောင်ရွက်သွားမည်
အမျိုးသားညီညွတ်ရေးအစိုးရ NUG အနေနဲ့ ချင်းအမျိုးသားတပ်ဦးဌာနချုပ်အပေါ်ကို အကြမ်းဖက် စစ်ကောင်စီက လေကြောင်းကနေ ဗုံးကြဲတိုက်ခိုက်တာနဲ့ ပတ်သက်ပြီး ပြင်းပြင်းထန်ထန်ကန့်ကွက်ကြောင်း ဇန်နဝါရီ (၁၂) ရက်မှာ ထုတ်ပြန်ခဲ့တယ်လို့သိရပါတယ်။
အကြမ်းဖက်စစ်ကောင်စီရဲ့ လူမဆန်တဲ့ သတ်ဖြတ်မှုတွေကြောင့် ကျဆုံးခဲ့ကြရတဲ့ တိုင်းရင်းသား ပြည်သူတွေအတွက် ဝမ်းနည်းကြေကွဲ ရပါကြောင်းနဲ့ ကျဆုံးခဲ့ရသူ တစ်ဦးတစ်ယောက်ချင်းစီတိုင်းအတွက် တရားမျှတမှုကို ပြန်လည်ရရှိနိုင်ရေး ပြည်တွင်းနဲ့ နိုင်ငံတကာတရားဥပဒေတွေနဲ့ အညီ အစွမ်းကုန်ကြိုးစား ဆောင်ရွက်သွားမယ်လို့ NUG အစိုးရက ထုတ်ပြန် ပြောကြားထားပါတယ်။
အိမ်နီးချင်းနိုင်ငံတွေ အနေနဲ့ မိမိတို့ရဲ့လေပိုင်နက်ကို ကျော်လွန်အသုံးပြုပြီး မြန်မာပြည်သူတွေကို သတ်ဖြတ်နေရုံသာမက၊ အိမ်နီးချင်းနိုင်ငံတွေက ပြည်သူလူထုရဲ့ အသက်အိုးအိမ်စည်းစိမ်လုံခြုံမှုကိုပါ ခြိမ်းခြောက် လာနေတဲ့ အကြမ်းဖက်စစ်ကောင်စီရဲ့ လုပ်ရပ်တွေကို ထိရောက်ပြင်းထန်စွာ အရေးယူ ဆောင်ရွက်မှုတွေ အမြန်ဆုံးပြုလုပ်ကြဖို့ NUG က တိုက်တွန်းပြောကြားလိုက်တာပဲဖြစ်ပါတယ်။
