မကွေးတိုင်း မြိုင်မြို့နယ် ရှိ ဗဟင်းတိုက်နယ် ဆေးရုံကို အကြမ်းဖက် စစ်ကောင်စီ လေကြောင်းမှ အကြောင်းမဲ့ လာရောက်ပစ်ခတ် ၊ အသက်(၆၀) အရွယ် အဘွားတဦး လက်နက်ကြီးထိမှန်သေဆုံးခဲ့

မကွေးတိုင်း မြိုင်မြို့နယ် ရှိ ဗဟင်း တိုက်နယ် ဆေးရုံကို အကြမ်းဖက်စစ်ကောင်စီတပ်က လေကြောင်းကနေ ဇန်နဝါရီ (၂၁) ရက်မှာ လာရောက်ပစ်ခတ်ခဲ့တဲ့အတွက် ဆေးရုံမှာရှိတဲ့ လူနာ (၅၀)ခန့်ကို အရေးပေါ် ကယ်ထုတ်ခဲ့ရတယ်လို့ ဒေသခံတွေဆီ ကသိရပါတယ်။

အဲဒီ ဗဟင်း တိုက်နယ်ဆေးရုံဟာ လက်ရှိမှာ NUG အစိုးရကျန်းမာရေးဝန်ကြီးဌာနက တာဝန်ယူဖွင့်လှစ်ပေးနေတဲ့ ဆေးရုံလည်းဖြစ်ပါတယ်။

အကြမ်းဖက်စစ်ကောင်စီတပ်ဟာ တိုက်ခိုက်ရေးရဟတ်ယာဉ် (Mi 35) နဲ့ ဗဟင်းဆေးရုံကို နာရီဝက်ခန့်ကြာအောင် လာရောက်ပစ်ခတ်ခဲ့တဲ့အတွက် လက်နက်ကြီးကျည် အချက် ၃၀ ခန့်ထိမှန်ခဲ့ပြီး ဆေးရုံတခုလုံးနီးပါး ပျက်စီးခဲ့တဲ့အတွက် ယာယီ ပိတ်ထားလိုက်ရတယ်လို့ ဒေသခံတွေကပြောပါတယ်။

အဲဒီ ဗဟင်းတိုက်နယ်ဆေးရုံမှာ မွေးလူနာ ၊ ခွဲစိပ် လူနာများအပြင်ကလေး၊ လူကြီး အယောက် (၅၀) ကျော်ရှိနေပြီး အဲဒီ လူနာတွေကို နီးစပ်ရာကျေးရွာများနဲ့ ဆွေမျိုးသားချင်းအိမ်တွေကို အရေးပေါ်ကယ်ထုတ်ခဲ့ ရတာဖြစ်ပါတယ် ။

စစ်ကောင်စီတပ် ဟာ ဆေးရုံရဲ့ တည်နေရာအတိ အကျကို (Mi 35) လက်နက်ကြီးနဲ့လေးကြိမ်ပစ်ခတ်ခဲ့တာ ဖြစ်ပြီး မြေပြင်တိုက်ပွဲများမရှိဘဲ နဲ့ အကြောင်းမဲ့လာရောက်တိုက်ခိုက်တာဖြစ်ပါတယ်။

စစ်ကောင်စီတပ်က လေကြောင်း က လာရောက်ပစ်ခတ်နေတုန်းမှာ ဆေးရုံနောက်ဖက်မှာရှိတဲ့ သစ်ပင်အောက်မှာ ပုန်း နေတဲ့ အသက် (၆၀)ဝန်းကျင်အရွယ် အဘွားတဦး လက် နက်ကြီး ကျည်ထိမှန် ပြီးတော့ သေဆုံးခဲ့ရ တယ်လို့ ဒေသခံတွေ ပြောကြားချက်အရသိရပါတယ်။