Myanmar
Englishအမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ပြည်သူ့ ရဲတပ်ဖွဲ့ ဟာ စိုးမိုးထိန်းချုပ်နယ်မြေများမှာ သာမကဘဲ နိုင်ငံတဝှမ်းလုံးမှာရှိတဲ့ ရာဇဝတ်မှုတွေကို တရားဥပဒေအတိုင်း ဆောင်ရွက်နိုင်ရန် ရည်ရွယ်ပြီး E-Police Station ကို ဇန်နဝါရီ (၂၀) ရက်မှာ ဖွဲ့စည်းလိုက်တယ်လို့ ထုတ်ပြန်ချက်အရသိရပါတယ်။
အကြမ်းဖက် စစ်ကောင်စီနဲ့ လက်အောက်ခံတွေက ကျူးလွန်တဲ့ ရာဇဝတ်မှုတွေနဲ့ ပြည်သူအချင်းချင်း ကျူးလွန်တဲ့ရာဇဝတ်မှုတွေကို မှတ်တမ်းတင် ထိန်းသိမ်းဖို့ နဲ့ ပြစ်မှုကျူးလွန်သူ တရားခံတွေကို ဥပဒေအတိုင်းဆောင်ရွက်နိုင်ဖို့ စတဲ့ ရည်ရွယ်ချက် တွေနဲ့ E-Police Station ကို ဖွဲ့စည်းလိုက်တာဖြစ်တယ်လို့ ဇန်နဝါရီ (၂၀) ရက်မှာ အမျိုးသားညီညွတ်ရေးအစိုးရ ပြည်ထဲရေးနဲ့ လူဝင်မှုကြီး ကြပ်ရေးဝန်ကြီးဌာန က ထုတ်ပြန်လိုက်တာဖြစ်ပါတယ်။
ပြည်ထောင်စုလွှတ်တော်က ဥပဒေအမှတ် (၂/၂၀၂၂) နဲ့ ပြည်သူ့ရဲတပ်ဖွဲ့ဥပဒေကို အတည်ပြုပြဌာန်းခဲ့ပြီး ၂၀၂၂ ခုနှစ် ဇွန် (၇) ရက်မှာ နိုင်ငံတော်သမ္မတရုံးရဲ့ အမိန့်ကြေငြာစာအမှတ် (၁၂/၂၀၂၂) နဲ့ အမျိုးသားညီညွတ်ရေး အစိုးရ၊ ပြည်ထဲရေးနှင့် လူဝင်မှုကြီးကြပ်ရေး ဝန်ကြီးဌာန၊ လက်အောက်ရှိ ပြည်သူ့ရဲတပ်ဖွဲ့ကို စတင်ဖွဲ့စည်းပြီး အမျိုးသားညီညွတ်ရေးအစိုးရရဲ့ စိုးမိုးထိန်းချုပ် နယ်မြေတွေမှာ လုံခြုံရေးနဲ့ တရားဥပဒေစိုးမိုးရေးလုပ်ငန်းတွေကို ဆောင်ရွက်လျက်ရှိတယ်လို့ ဖော်ပြထားတာဖြစ်ပါတယ်။
ယခုအခါမှာ အမျိုးသားညီညွတ်ရေးအစိုးရရဲ့ စိုးမိုးထိန်းချုပ်နယ်မြေတွေမှာ သာမကဘဲ နိုင်ငံတဝှမ်းလုံးရှိ အကြမ်းဖက်စစ်ကောင်စီနဲ့ လက်အောက်ခံများမှ ကျူးလွန်တဲ့ ရာဇဝတ်မှုများနဲ့ ပြည်သူအချင်းချင်း ကျူးလွန်တဲ့ ရာဇဝတ်မှုများကို မှတ်တမ်းတင် ထိန်းသိမ်းရန်နဲ့ ပြစ်မှုကျူးလွန်သူ တရားခံများအား တရားဥပဒေရဲ့ ရှေ့မှောက် သို့ပို့ဆောင်ရန် ရည်ရွယ်ချက်တွေနဲ့ ၂၀၂၂ ခုနှစ်၊ ပြည်သူ့ ရဲတပ်ဖွဲ့ ဥပဒေပုဒ်မ ၁၄ (ခ)အရ ပြည်သူ့ ရဲတပ်ဖွဲ့ လက်အောက်မှာ E police station ကို ပြည်ထဲရေးနှင့် လူဝင်မှုကြီးကြပ် ရေးဝန်ကြီးဌာန၊ ပြည်ထောင်စုဝန်ကြီး အမိန့်နဲ့ ဖွဲ့စည်းလိုက်တယ်လို့ ထုတ်ပြန်ချက်မှာ ဖော်ပြထားပါတယ်။
