Myanmar
Englishကရင်ပြည်နယ်၊ ဘုရားသုံးဆူမြို့၊ပြောင်မထိန်ကျေးရွာအုပ်စု၊ ကြိမ်ချောင်းကျေးရွာရှိ DKBA (ဒေါနအနောက်ခြမ်း)၊ အမှတ် ၂ စစ်ကွပ်ကဲရေးနည်းဗျူဟာမှူး၊ ဗိုလ်မှူးကြီးစောအေဝမ်းရဲ့ နေအိမ်ကို ဇန်နဝါရီ ၂၁ ရက်၊ မနက်(၁)နာရီခန့်မှာ အကြမ်းဖက် စစ်ကောင်စီက ဂျက်ဖိုက်တာ တိုက်လေယာဉ် (၃)စီးနဲ့ ဗုံးကြဲတိုက်ခိုက်ခဲ့ပြီး ဗိုလ်မှူးကြီးစောအေဝမ်းနဲ့ မိသားစုတွေ လက်မတင်လေးလွတ်မြောက်ခဲ့တယ်လို့ သိရပါတယ်။
ဗိုလ်မှူးကြီးစောအေဝမ်းနေအိမ်နဲ့ ဘုရားကျောင်းဆောင်အပါအဝင်၊ အနီးဝန်းကျင်ရှိ အဆောက်အအုံတွေနဲ့ အလုပ်သမားတန်းလျားတွေ ဗုံးထိမှန် ပျက်စီးခဲ့တဲ့အပြင်လေယာဉ်ပေါ်က ပွိုင့်ဖိုက်စက်လက်နဲ့ပါ ပစ်ခတ်ထားတာ ကြောင့် နေအိမ် တခုလုံး ပျက်စီးခဲ့တာကို တွေ့ရပါတယ်။
ဒီမိုကရေစီအကျိုးပြုကရင့်တပ်မတော် (DKBA) ဟာ NCA ငြိမ်းချမ်းရေးစာချုပ်မှာ လက်မှတ်ရေးထိုးထားခဲ့ပြီး စစ်တပ်က အာဏာသိမ်းပြီးနောက်ပိုင်းမှာလည်း အကြမ်းဖက်စစ်ကောင်စီနဲ့ တွေ့ဆုံဆွေးနွေးမှုတွေ ရှိနေတဲ့ကြားက အလစ်အငိုက်လေကြောင်းတိုက်ခိုက်မှုပြုလုပ်ခဲ့တာပါ။
