Myanmar
Englishပြည်သူ့ကာကွယ်ရေး အဖွဲ့တွေရဲ့ သတိပေးချက်ကို ဒေသခံတွေ လိုက်နာမှု အားနည်းတဲ့အတွက်ကြောင့် နှစ်လ အတွင်းမှာ အကြမ်းဖက် စစ်ကောင်စီကို တိုက်ခိုက်မယ့် မစ်ရှင်(၈)ခု ကို ဖျက်သိမ်းခဲ့ရတယ်လို့ မင်းလှမြို့နယ်ပြည်သူ့ကာကွယ်ရေး တပ်ဖွဲ့ရဲ့ ထုတ်ပြန်ချက် အရသိရသည်။
တပ်တွင်းဖရဲသီးတွေရဲ့ အတိအကျသတင်းပေးတာကြောင့် ပစ်မှတ်ကို တိုက်ခိုက်ဖို့ အတွက် မစ်ရှင် ကိုစီစဉ် ပြီးဖြစ်ပေမယ့် ပစ်ကွင်းတွေထဲကို ပြည်သူတွေ ရောက်ရောက်လာတဲ့အတွက် နောက်ကြောင်းပြန်လှည့်ခဲ့ရတာတွေ ရှိတယ်လို့ သိရပါတယ်။
မြို့ပေါ် ရဲစခန်းကို ဝိုင်းဖို့ အတွက် အားလုံးစီစဉ်ခဲ့ပြီးဖြစ်ပေမယ့် အခု လိုဖြစ်ရပ်တွေကြောင့် ဘာမှ မလုပ်နိုင်ခဲ့ဘဲ နောက်ပြန်ဆုတ်ခဲ့တာတွေ ၊ ကလေးသူငယ်တွေ ပြည်သူတွေ ၊ ပစ်ကွင်းအထဲကို ရောက်လာတဲ့အတွက် ရှောင်ခဲ့ရတာတွေ အများကြီး ရှိတယ်လို့ မင်းလှ ပြည်သူ့ကာကွယ်ရေးတပ်ဖွဲ့က ပြောကြားပါတယ်။
ဒါ့အပြင် စစ်ကောင်စီတပ်တွေဟာ မင်းလှနယ်ထဲကို အရပ်ဝတ်တွေနဲ့ PDF ဟန်ဆောင်ပြီး စစ်ကြောင်းထိုးလာနိုင်တဲ့အတွက် ပြည်သူတွေ အသွားအလာသတိပြုကြဖို့နဲ့ မသင်္ကာ ဖွယ်ရာတွေ တွေ့ရင် ပြည်သူ့ကာကွယ်ရေးအဖွဲ့တွေကို သတင်းပို့ကြဖို့ မင်းလှ ပကဖ အဖွဲ့က ထုတ်ပြန်ထားတယ်လို့သိရပါတယ်။
