အကြမ်းဖက် စစ်ကောင်စီ ထံ တရုတ်နဲ့အိန္ဒိယ တို့လက်နက်ရင်းနှီးမြှုပ်နှံ့ရောင်းချမှု ကန်ဒေါ်လာ ၁.၃ ထရီလီယံရှိနေ

◼တရုတ်နဲ့အိန္ဒိယ ကုမ္ပဏီ တွေကို ​စစ်ကောင်စီကိုလက်နက်ရောင်းချမှုနဲ့ပတ်သက်ပြီး နော်ဝေဓနသဟာရ ရန်ပုံငွေအဖွဲ့ရဲ့ ရင်းနှီးမြှုပ်နှံမှုစာရင်းကနေ ပယ်ဖျက် အရေးယူ

​အကြမ်းဖက်စစ်ကောင်စီကို လက်နက်တွေရောင်းချတဲ့ ကိစ္စနဲ့ပတ်သက်ပြီး တရုတ်နဲ့အိန္ဒိယ ကုမ္ပဏီ နှစ်ခုကို နော်ဝေဓနသဟာရရန်ပုံငွေအဖွဲ့ရဲ့ ရင်းနှီးမြှုပ်နှံမှုစာရင်းကနေ ပယ်ဖျက် အရေးယူလိုက်တယ်လို့ ဇန်နဝါရီ (၂၅)ရက်မှာ နော်ဝေ ဗဟိုဘဏ်ရဲ့ ထုတ်ပြန်ချက်အရသိရပါတယ်။

အကြမ်းဖက် စစ်ကောင်စီ ဟာ တရုတ်နိုင်ငံ AviChina ကုမ္ပဏီ ကနေ အပေါ့စား တိုက်လေယာဥ် နဲ့ အိန္ဒိယ Bharat Electronics ကုမ္ပဏီဆီက အဝေးထိန်းစနစ်သုံး လက်နက်တွေ ကို ၂၀၂၁ ခုနှစ်၊ ဇူလိုင်နဲ့ ဒီဇင်ဘာ တို့က မှာယူ
တင်သွင်းခဲ့ပါတယ်။

အဲဒီ တရုတ်နဲ့အိန္ဒိယ ကုမ္ပဏီ တွေဟာ အခုလို အကြမ်းဖက် စစ်ကောင်စီကို လက်နက်ရောင်းချနေတာကို လက်ခံနိုင်စရာမရှိတာကြောင့် နော်ဝေနိုင်ငံအနေနဲ့ ရင်းနှီးမြှုပ်နှံမှုစာရင်းကနေ ပယ် ဖျက် အရေးယူလိုက်တာလည်း ဖြစ်ပါတယ်။

တရုတ်နဲ့အိန္ဒိယ ကုမ္ပဏီနှစ်ခုရဲ့ စုစုပေါင်းရင်းနှီးမြှုပ် နှံမှုတန်ဖိုးဟာ ၂၀၂၁ ခုနှစ် နှစ်ကုန်မှာ ကန် ဒေါ်လာ ၁.၃ ထရီလီယံ ရှိတယ်လို့ သိရပါတယ်။

ဆိုးရွားတဲ့ လူ့အခွင့်အရေးချိုးဖောက်မှု၊ ဒါမှ မဟုတ် စနစ်တကျ ကျူးလွန်တဲ့လူ့အခွင့်အရေးချိုးဖောက်မှုတွေမှာ ပါဝင်ပတ်သက်တဲ့ဘယ် ကုမ္ပဏီ မဆို ခုလိုအရေးယူမှု ပြုလုပ်သွားမှာဖြစ်တယ်လို့ နော်ဝေဗဟိုဘဏ်က ပြောကြားထားတယ်လို့သိရပါတယ်။