NUG အစိုးရ တောင်ပိုင်းစစ်ဒေသကွပ်ကဲရေး အထူးစစ်ဆင်ရေးတပ်ဖွဲ့ (S.O.F) တပ်ရင်း ၊ တပ်ခွဲ ခေါင်းဆောင်တွေနဲ့ အထူးအစည်းအဝေး ပြုလုပ်

အမျိုးသားညီညွတ်ရေးအစိုးရ တောင်ပိုင်းစစ်ဒေသကွပ်ကွဲရေး အထူးစစ်ဆင်ရေးတပ်ဖွဲ့ (S.O.F) က အခြေခံရုံးလုပ်ငန်းတွေအတွက် အလုပ်ရုံဆွေးနွေးပွဲကို ဇန်နဝါရီ (၂၃) ရက်မှာ ပြုလုပ်ခဲ့တယ်လို့ (S.O.F) ရဲ့ သတင်းထုတ်ပြန်ချက်အရ သိရပါတယ်။

ဒီအလုပ်ရုံဆွေးနွေးပွဲဟာ အထူးစစ်ဆင်ရေးတပ်ဖွဲ့ (S.O.F) ရဲ့ တပ်ဖွဲ့ ရုံး ၊ တပ်ရင်း ၊ တပ်ခွဲ ခေါင်းဆောင်တွေနဲ့ ရုံးအဖွဲ့ဝင်တွေကို တပ်ဖွဲ့ရဲ့ ရုံးချုပ်ကို ဖိတ်ခေါ်ပြီး ဦးစီးတာဝန်နဲ့ အခြေခံရုံးလုပ်ငန်း အလုပ်ရုံဆွေးနွေးပွဲ ပြုလုပ်ခဲ့တာဖြစ်တယ်လို့သိရပါတယ်။

အလုပ်ရုံဆွေးနွေးပွဲဟာ တတိယအကြိမ်မြောက် တွေ့ဆုံဆွေးနွေးတာဖြစ်ပြီး ဖွဲ့စည်းပုံ နဲ့ မူဝါဒ ဆိုင်ရာတွေ ရုံးအဖွဲ့တွေ ဖွဲ့စည်းခြင်းနဲ့ တာဝန်၀တ္တရားတွေ ၊ တပ်တွင်းစည်းမျဉ်းစည်းကမ်း တွေ ၊ ရုံးလုပ်ငန်းစဉ်တွေ အပြင် ဆက်သွယ်ရေးနဲ့ ထောက်လှမ်းရေး အစရှိတာတွေကို ပါ ဆွေးနွေး အတည်ပြုခဲ့ကြတာဖြစ်ပါတယ်။

ဆွေးနွေးပွဲကို ရှေ့တန်း စစ်မျက်နှာပြင် ရောက်ခေါင်းဆောင်တွေကလွဲပြီး တပ်ရင်း ၊ တပ်ခွဲတွေက တပ်ဖွဲ့ခေါင်းဆောင် (၂၀) ဦး တက်ရောက်ခဲ့ကြတယ်လို့ ထုတ်ပြန်ဖော်ပြထားပါတယ်။

ပထမကြိမ်အလုပ်ရုံအစည်းအဝေးကို ၂၀၂၂ ခုနှစ် ဇူလိုင် (၂ ) ရက် ကနေ (၄) ရက်အထိ သုံးရက်အကြာပြုလုပ်ခဲ့ ပြီးဒုတိယအကြိမ်ဆွေးနွေးပွဲကို ၂၀၂၂ ခုနှစ် ဇန်နဝါရီ (၁၇) ရက်ကနေ (၃၁) ရက်အထိ ၅ ရက်အကြာ ပြုလုပ်ခဲ့တာဖြစ်တယ်လို့သိရပါတယ်။