ဝက်လက်မြို့နယ်ထဲက ရွာများ ကို စစ်ကောင်စီ ကတလအတွင်းအိမ်ခြေ ၂၀၀၀ ခန့် မီးရှို့ဖျက်ဆီးခဲ့

■ အိမ်စီးကား ကို စစ်ကောင်စီ ပစ်ခတ်သဖြင့် ယာဥ်ပေါ်ပါ ကလေးငယ် (၁)ဦး သေဆုံး

စစ်ကိုင်းတိုင်း ဝက်လက်မြို့နယ်ရှိ ရွာများကို အကြမ်းဖက် စစ်ကောင် စီ က ပြီးခဲ့တဲ့ ဇန်နဝါရီ အတွင်းမှာ မီးရှို့ဖျက်ဆီးခဲ့ တာကြောင့် ဒေသခံ အိမ်ခြေ ၂၀၀၀ နီးပါး မီးလောင်ဆုံး ရှုံးခဲ့ ရတယ်လို့ Wetlet Informational Network အဖွဲ့ရဲ့ ထုတ်ပြန်ချက်အရ သိရပါတယ်။

အဲဒီလိုမီးရှို့ဖျက်ဆီးခံရတာအပြင် ကလေးငယ်တဦး အပါအဝင် ဒေသခံ ငါးဦးတို့ပါ ပစ်ခတ် သတ်ဖြတ် ခံ ခဲ့ရတယ်လို့ ဒေသခံတွေဆီက သိရပါတယ်။

Photo- Wetlet Informational Network | ဝက်လက်နယ်အတွင်း မီးရှို့ခံရသော ကျေးရွာတစ်ရွာအား တွေ့ရစဥ်။

ဝက်လက်မြို့က ထွက်လာတဲ့ မိသားစု တစုရဲ့ အိမ်စီးကားတစီးကို စစ်ကောင်စီတပ်က ပစ်ခတ် ခဲ့တဲ့ အတွက် ကားပေါ်ပါ (၁)နှစ်အရွယ် ကလေးငယ် သေဆုံးရတာ ဖြစ်တယ်လို့ Wetlet Informational Network အဖွဲ့က ကထုတ်ပြန်ထား ပါတယ်။

သေဆုံးခဲ့ရတဲ့ ဒေသခံတွေ ၅ ဦး အနက် သုံးဦးမှာ ခေါတောရွာ၊ ပင်းဇင်း ရွာ၊ သဖန်းကုန်းရွာ တွေက ဖြစ်တယ်လို့ Wetlet Informational Network အဖွဲ့က ပြောပါတယ်။

ဒါ့အပြင် စစ်ကောင်စီတပ်ရဲ့ မီးရှို့ဖျက်ဆီးမှုကြောင့် ဝက်လက်မြို့နယ်အတွင်းမှာ အိမ်ခြေအတိအကျမသိရ သေးတဲ့ရွာတွေ အများအပြားရှိနေသေးတယ် လို့ Wetlet Informational Network အဖွဲ့က ပြောပါတယ်။

ဝက်လက်မြို့ပေါ်မှာ စစ်ကောင်စီတပ်နဲ့ ဒေသတွင်းတော် လှန်ရေးအင် အားစုတွေ မကြာခဏတိုက်ပွဲ
တွေဖြစ်ပွား ခဲ့ပြီး စစ်အုပ်စုဘက်က ထိခိုက်သေဆုံးမှုများ တွေများပြား နေတယ်လို့သိ ရပါတယ်။