တန့်ဆည် တွင် အကြမ်းဖက် စစ်ကောင်စီ တပ်နဲ့ ဒေသကာကွယ်ရေးတပ်တို့ တိုက်ပွဲပြင်းထန်

◼အထိနာ စစ်တပ်က ရွာများကို စစ်ကြောင်းထိုး၀င်ရောက်လျက်ရှိ

စစ်ကိုင်းတိုင်း တန့်ဆည်မြို့နယ် ရှိ အကြမ်းဖက်စစ်ကောင်စီ တပ် (၃၆၁ ၊ ၃၆၇ ) နဲ့ ပျူစောထီးအဖွဲ့တွေဟာ တန့်ဆည်မြို့နယ် ပြည်သူ့ကာကွယ်ရေးတပ်ဖွဲ့တွေနဲ့ နှစ်ရက်ဆက်တိုက် တိုက်ပွဲဖြစ်ပွားခဲ့ပြီး စစ်ကောင်စီဘက်က ထိခိုက်ကျဆုံးမှုများပြားခဲ့တယ်လို့ ဖေဖေါ်ဝါရီ (၈) ရက်မှာ တန့်ဆည်မြို့နယ်ပြည်သူ့ကာကွယ်ရေးအဖွဲ့ (ပကဖ) က ထုတ်ပြန်ထားချက် အရသိရပါတယ်။

အကြမ်းဖက် စစ်ကောင်စီတပ်နဲ့ တန့်ဆည်-ကလေး လမ်းအနီး ထိတွေ့တိုက်ပွဲ သုံးကြိမ်ဖြစ်ပွားခဲ့ရာ စစ်ကောင်စီဘက်က
( ၂၀ )ဦးထက်မနည်းထိခိုက်ဒဏ်ရာရရှိခဲ့ပြီး ပ.ကဖ အဖွဲ့မှ ရဲဘော်တ ဦး မစိုးရိမ်ရဒဏ်ရာရှိ ခဲ့တယ်လို့တန့်ဆည် (ပကဖ) က ပြောပါတယ်။

အဲဒီ စစ်ဆင်ရေးကို တန့်ဆည် (ပကဖ)၊ ပြည်သူ့ကာကွယ်ရေးတပ်ရင်း တပ်ဖွဲ့များ(ရွှေဘိုခရိုင်)တို့ ပူးပေါင်းတိုက်ခိုက်ခဲ့တယ်လို့ သိရပါတယ်။

ဒါ့အပြင် အကြမ်းဖက် စစ်ကောင်စီ တပ်ကို ဒေသကာကွယ်ရေးအဖွဲ့တွေ ဖြစ်တဲ့ Guerrilla Warfare – K.P.K၊ MDF-Taze Tiger ၊ TSR၊ PLA တို့က အသင့်တပ်ဆင်ထားတဲ့ ပဒေသာ မိုင်းတွေနဲ့ ပူးပေါင်း မိုင်းဆွဲတိုက်ခိုက်ခဲ့တယ်လို့ Guerrilla Warfare – K.P.K အဖွဲ့က ထုတ်ပြန်ထားပါတယ်။

အထိနာထားတဲ့ အကြမ်းဖက်စစ်ကောင်စီတပ်ဟာ ‌ ကံထူးမမှတဆင့် တန့်ဆည်အနောက်ခြမ်း ကျေးရွာတွေကို
ဖေဖေါ်ဝါရီ (၈) ရက် နေ့လည်ပိုင်းမှာ စစ်ကြောင်းထိုး ဝင်ရောက်နေတယ်လို့ ဒေသခံတွေဆီက သိရပါတယ်။