မကွေးလေတပ်နဲ့ လက်နက်စက်ရုံ တို့ကို ‌မကွေး PDF ရှော့ခ်တိုက်ဒုံး နဲ့ တိုက်ခိုက်

မကွေးလေတပ် နဲ့ လက်နက်စက်ရုံ ကပစ (၂၅) တို့ကို ‌ ဖေဖေါ်ဝါရီ (၉) ရက် ညပိုင်းမှာ ရှော့ခ်တိုက်ဒုံးနဲ့ ပစ်ခတ်တိုက်ခိုက်ခဲ့တယ်လို့ မကွေး ပြည်သူ့ကာကွယ်ရေးတပ် – မကွေးခရိုင် PDF အမှတ်(၁) တပ်ရင်းက ထုတ်ပြန်ထားချက်အရသိရပါတယ်။

မကွေးလေတပ်စခန်းဌာနချုပ်ကို ရှော့တိုက်ဒုံး (၅)လုံး နဲ့ ပစ်ခတ်တိုက်ခိုက်ခဲ့ပြီး ရှော့တိုက်ဒုံး ၃လုံး ထိရောက်ပေါက်ကွဲခဲ့တယ်လို့သိရပါတယ်။

ပြည်သူ့ကာကွယ်ရေးတပ်ဖွဲ့များ (မကွေး) ကိုတွေ့ရစဉ်။

ဒါ့အပြင် မကွေး စစ်ကောင်စီရဲ့ လက်နက်စက်ရုံ ကပစ ၂၅ ကို ၉၀(မမ) လက်နက်ကြီးကျည် ၂ လုံးနဲ့ လည်းထပ်မံပစ်ခတ်တိုက်ခဲ့ပါတယ်။

အဲဒီနောက် စစ်ကောင်စီရဲ့ လက်နက်စက်ရုံထဲကို ဖေဖေါ်ဝါရီ (၁၀) ရက် မနက်ပိုင်းက လက်နက်ကြီးနဲ့ ပစ်ခတ်တိုက်ခိုက်ခဲ့တယ်လို့သိရပါတယ်။

အခု ပစ်ခတ်တိုက်ခိုက်မှုအတွက် ထိခိုက် သေဆုံးအခြေအနေတွေကိုတော့ အတည်မပြုနိုင်သေးပါဘူး ။

လက်နက်ကြီးထိမှန်မှုကြောင့် အကြမ်းဖက်စစ်ကောင်စီတပ်တွေက အနီးအနားကရွာတွေကို ဝင်ရောက်စစ်ဆေးတာတွေပြုလုပ်နေတယ်လို့သိရပါတယ်။