တိုင်းဒေသကြီးကို ဦးစားပေးအုပ်ချုပ်မှုထူထောင်နေပြီးမြို့နယ် (၁၅၈) မြို့နယ်မှာ မြို့နယ်အုပ်ချုပ်ရေးအဖွဲ့တွေ ဖွဲ့စည်းထားပြီးဖြစ်

◼စစ်ကိုင်း ၊ မကွေး ၊ ပဲခူး တိုင်းဒေသတွေမှာ (၇၀) ရာခိုင်နှုန်း ထိန်းချုပ် ထားနိုင်တဲ့ မြို့ပေါင်း (၇၃) မြို့ရှိ ကြောင်း ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဦးလွင်ကိုလတ် ပြောကြား

တိုင်းဒေသကြီး အားလုံးကို ဦးစားပေးအုပ်ချုပ်မှုထူထောင်နေပြီး လက်တလော အနေအထားတွေအရ မြို့နယ် (၁၅၈) မြို့နယ်မှာ မြို့နယ်အုပ်ချုပ်ရေးအဖွဲ့တွေ ဖွဲ့စည်းထားပြီးပြီဖြစ်ပြီး စစ်ရေးဘက်က နယ်မြေတိုးချဲ့ရရှိလာတာနဲ့ အမျှ အုပ်ချုပ်ရေးကဏ္ဍ ကို အသင့်တည်ထောင်နိုင်ဖို့အတွက် လုပ်ဆောင်နေတယ်လို့ ဖေဖေါ်ဝါရီ (၁၂) ရက်မှာ NUG ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဦးလွင်ကိုလတ်က Global Town Hall Meeting ဖက်ဒရယ်အရေး၊ ပြည်သူ့အုပ်ချုပ်ရေး၊ အသွင်ကူးပြောင်းရေး ကာလ တရားမျှတမှု အစီအစဉ် မှာ ပြောကြားခဲ့တယ်လို့သိရပါတယ်။

ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဦးလွင်ကိုလတ်က အုပ်ချုပ်ရေးဆိုင်ရာ ကိစ္စရပ်တွေကို လုပ်ဆောင်တဲ့အခါမှာ တိုင်းရင်းသားတွေနဲ့ချိတ်ဆက်နေတဲ့ ဒေသတွေက အစ တိုင်းရင်းသားတွေရဲ့သ‌ဘောထား အပေါ်မှာ ‌အခြေခံပြီး ဆောင်ရွက်သွားရမှာ ဖြစ်ပြီး နောင် တချိန်ဖက်ဒရယ် နိုင်ငံတည်ဆောက်တဲ့အခါ အခုကတည်းက တိုင်းရင်းသားတွေရဲ့ သဘောထားတွေကို အလေးထားဖို့ ‌ ပြောကြားခဲ့ပါတယ်။

အုပ်ချုပ်မှုကဏ္ဍကို ဖော်ဆောင်ရာမှာလည်း ကြားကာလ အုပ်ချုပ်မှုဖော်ဆောင်ရေးကော်မတီ ကို ဖွဲ့စည်းပြီး ဆောင်ရွက်ကြောင်း၊NUCCက ချမှတ်တဲ့ မူဝါဒတွေနဲ့ ကိုက်ညီမှုရှိစေဖို့ အတွက် ဆောင်ရွက်ရကြရတာဖြစ်တယ်လို့ သိရပါတယ်။

အဲဒီလိုလုပ်ဆောင်တဲ့နေရာမှာ စစ်ကိုင်းတိုင်း၊ မကွေးတိုင်း၊ ပဲခူးတိုင်းဒေသတွေမှာ (၇၀) ရာခိုင်နှုန်း ထိန်းချုပ် ထားနိုင်တဲ့ မြို့ပေါင်း (၇၃) မြို့ရှိ တယ်လို့ သိရပါတယ်။

ကျန်တဲ့ ့တွေမှာလည်း နယ်မြေတိုးချဲ့လုပ်ဆောင်သွားနိုင်ဖို့အတွက် ကာကွယ်ရေးဝန်ကြီးဌာန၊ တိုင်းရင်းသားလက်နက်ကိုင်တော်လှန်ရေးအဖွဲ့တွေနဲ့ ညှိနှိုင်းဆောင်ရွက်နေတယ်လို့ ဝန်ကြီးက ရှင်းလင်းပြောကြားခဲ့တာ ဖြစ်ပါတယ်။

လက်ရှိ နောက်ဆုံးအခြေအနေမှာ တရားရုံးတွေကို တည်ဆောက်ပြီး တရားစီရင်တဲ့အဆင့်တွေအထိ တက်လှမ်းနိုင်ခဲ့ပြီဖြစ်တယ်လို့ ဝန်ကြီး ဦးလွင်ကိုလတ်က ပြောကြားပါတယ်။

နယ်မြေထိန်းချုပ်နိုင်ရေးနဲ့အုပ်ချုပ်ရေးဆိုင်ရာကိစ္စတွေနဲ့ ပတ်သက်ပြီး တိုင်းရင်းသားများနဲ့ဲ့စဉ် ညှိနှိုင်းဆွေးနွေးလျက်ရှိတယ်လို့သိရပြီး တနှစ်တာ စီမံချက်အရ ထူးခြားတဲ့ အုပ်ချုပ်မှု ဖော်ဆောင်ရေးကိစ္စတွေ မကြာမီ ပေါ်ပေါက်လာနိုင်ဖို့ရှိတယ်လို့ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဦးလွင်ကိုလတ်က Global Town Hall Meeting ဖက်ဒရယ်အရေး၊ ပြည်သူ့အုပ်ချုပ်ရေး၊ အသွင်ကူးပြောင်းရေး ကာလ တရားမျှတမှု အစီအစဉ် မှာ အခုလိုရှင်းလင်းပြောကြားခဲ့တယ်လို့သိရပါတယ်။