ချင်းပြည်နယ် ဖလမ်းမြို့အခြေစိုက် ခလရ(၂၆၈) က တပ်သားတဦးလက်နက်အပြည့်အစုံဖြင့် အလင်းဝင်

◼ အိန္ဒိယနဲ့ ဆက်ဆံရေးကို NUG ဖြစ်စေ UN ဖြစ်စေ သေချာစွာညှိနှိုင်းမည် ဆိုပါက CDM စစ်ကောင်စီတပ်သားအရေအတွက် ပိုမိုများပြားလာနိုင်မည်ဖြစ်

ချင်းပြည်နယ် ဖလမ်းမြို့နယ် အခြေစိုက် ခလရ (၂၆၈) တပ်မှ စစ်ကောင်စီတပ်သား တဦးဟာ လက်နက်အပြည့်အစုံ နဲ့ အတူ ၂၀၂၂ ဒီဇင်ဘာ ၂၆ရက် မှာ အလင်းဝင်ရောက်လာတယ်လို့ ချင်းအမျိုးသားအဖွဲ့ချုပ်/ချင်းအမျိုးသားကာကွယ်ရေးတပ်(CNO/CNDF) ရဲ့ ထုတ်ပြန်ချက်အရသိရပါတယ်။

စစ်ကောင်စီတပ်သား ကောင်းမိုးဟာ အကြမ်းဖက်စစ်ကောင်စီလက်အောက်မှာ ဆက်လက်တာဝန်ထမ်းဆောင်လိုခြင်းမရှိတော့တာကြောင့် ပြည်သူနဲ့အတူ ပူးပေါင်းဖို့အတွက် CNO/CNDF ထံကို ခိုလှုံခဲ့တာလည်း ဖြစ်ပါတယ်။

လက်နက်အပြည့်အစုံနဲ့ CDM လုပ်ပြီး အလင်းဝင်လာတာကြောင့် CNO/CNDF က ဆုကြေးငွေ ကျပ် သိန်းတရာ ချီးမြှင့်ခဲ့တယ်လို့သိရပါတယ်။

ချင်းပြည်နယ်နဲ့ စပ်ဆက်နေတဲ့ အိန္ဒိယနဲ့ ဆက်ဆံရေးကို အမျိုးသားညီညွတ်ရေးအစိုးအရ က ဖြစ်စေ UN က ဖြစ်စေသေချာစေ့စပ်ညှိနှိုင်းဆွေး‌နွေးမည်ဆိုပါက ချင်းပြည်နယ်တွင် CDMလုပ်လာမည့် စစ်ကောင်စီတပ်သား အ‌ရေအတွက် ယခုထက်ပိုမိုများပြားလာနိုင်မှာ ဖြစ်ပြီး အလင်းဝင်လာတဲ့ သူတွေအတွက်လည်း ငွေကြေးအပြင် စိတ်ပိုင်းဆိုင်ရာလုံခြုံမှုတွေ ယခုထက်ပိုမိုပေးလာနိုင်မှာ ဖြစ်တယ်လို့ ချင်းပြည်နယ် စစ်ဒေသမှူး က ပြောကြားခဲ့တယ်လို့သိရပါတယ်။

CNO/CNDFအနေနဲ့ အကြမ်းဖက် စစ်ကောင်စီထံမှ လက်နက်အပြည့်အစုံနဲ့ အလင်းဝင်ရောက်လာကြတဲ့ စစ်သား၊ရဲတွေကို ၎င်းတို့ရဲ့ အသက်မွေးဝမ်းကြောင်းအတွက် ယခင်က ကျပ်သိန်း (၅၀) ဆုချီးမြှင့်ခဲ့ပေမယ့်လည်း အခုအခါမှာထပ်တိုး ကျပ်သိန်း (၅၀) ကိုပါ ချီးမြှင့်ပေးအပ်ခဲ့တာ ဖြစ်ပါတယ်။