မုံရွာမြို့ ညောင်ပင်စောက် လဝက ရုံးရှေ့က အကြမ်းဖက်စစ်ကောင်စီအဖွဲ့ကို PDF အလစ်ဝင်တိုက်

◼ အကြမ်းဖက် စစ်ကောင်စီ (၃) ဦးသေဆုံး

စစ်ကိုင်းတိုင်း မုံရွာမြို့ပေါ်ရှိ အကြမ်းဖက် စစ်ကောင်စီတပ်စွဲရာ ညောင်ပင်စောက်(လဝက)ရုံး မှ ထွက်လာတဲ့ အကြမ်းဖက်စစ်အုပ်စုကို ပြည်သူ့ကာကွယ်ရေးတပ်ဖွဲ့ တွေက ဖေဖော်ဝါရီ (၁၃) ရက် ညနေပိုင်းမှာ မော်တော်ယာဥ်နဲ့ ရုံးရှေ့အထိသွားရောက်ပစ်ခတ်ခဲ့တယ်လို့ Chindwin Attack Force သတင်းနှင့် ပြန်ကြားရေးရဲ့ ထုတ်ပြန်ချက်အရ သိရပါတယ်။

မုံရွာမြို့ ညောင်ပင်စောက် လဝကရုံးမှာ တပ်စွဲထားတဲ့ အကြမ်းဖက် စစ်ကောင်စီတပ်ဟာ လမ်းပေါ်မှာ စစ်ဆေးဖို့အတွက် ထွက်လာတဲ့ စစ်ကောင်စီတပ်ဖွဲ့ဝင် ငါးဦးကို အလစ်ဝင်ရောက်တိုက်ခိုက််ခဲ့တယ်လို့ Chindwin Attack Force သတင်းနှင့် ပြန်ကြားရေး က ထုတ်ပြန်ထားတာပါ။

အဲဒီ စစ်ဆင်ရေးမှာ စစ်ကောင်စီတပ်သား (၃) ဦး ပွဲချင်းပြီးသေဆုံးခဲ့တာဖြစ်ပြီး ကျန်နှစ်ဦးမှာထွက်ပြေးလွတ်မြောက်သွားတယ်လို့သိရပါတယ်။

အဲဒီ စစ်ဆင်ရေးကို မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း – ၄ အထူးကွန်မန်ဒိုတပ်ဖွဲ့ ( Monywa The Boys )က ဦးဆောင်ပြီး အထူးစုံစမ်းစစ်ဆင်ရေးတပ်ဖွဲ့ (Chindwin Attack Force ) ၊ မုံရွာခရိုင်တပ်ရင်း – ၄ တပ်ခွဲ ၄ 5 / Teachers People Defense Force PDF ၊ Spring Dove တို့ ပူးပေါင်းတိုက်ခိုက်ခဲ့ကြတာ ဖြစ်တယ်လို့ အသိပေးထုတ်ပြန်ထားပါတယ်။