လွိုင်ကော် -ဘော်လခဲလမ်းမကြီး ရက်အကန့် အသတ်မရှိပိတ်ထား

လတ်တလော စစ်ရေးအခြေအနေတွေ မတည်ငြိမ်တာ‌ ‌ကြောင့် လွိုင်ကော်-ဘော်လခဲ လမ်းမကြီးကို ရက်အကန့်အသတ်မရှိ ပိတ်ထားလိုက်တယ်လို့ ဖေဖေါ်ဝါရီ(၁၄) ရက်မှာ ကရင်နီ တော်လှန်ရေး အင်အားစုတွေကသတင်းထုတ်ပြန်ထားတယ်လို့သိရပါတယ်။

လွိုင်ကော်-ဆိုလစယ်-ဒေါတမြေး-ဒေါတမကြီး -ဘောလခဲ စတဲ့လမ်းမကြီး ကို ရက် အကန့်အသတ်မရှိ ပိတ်ထားလိုက်တာဖြစ်ပါတယ်။

လမ်းပိတ်ထားတဲ့ ကာလအတွင်း ခရီးအသွားအလာ မပြုလုပ်ကြဖို့သတိပေးထားပြီး ပြန်လည် ဖွင့်လှစ်မည့်ရက်ကို အသိပေးထုတ်ပြန်သွားမယ်လို့ ‌ကရင်နီ တော်လှန်ရေး အင်အားစုအဖွဲ့က ပြောပါတယ်။

ကရင်နီတော်လှန်ရေး​အင်အားစုတွေ နဲ့ အကြမ်းဖက် စစ်ကောင်စီ ဟာ အဲ့ဒီလမ်းမှာနေရာယူထားပြီး နေ့စဥ် တိုက်ပွဲတွေ ဖြစ်ပွားနေတာ ဖြစ်ပါတယ်။

အကြမ်းဖက်စစ်တပ်က စစ်အုပ်ချုပ်ရေး ကြေညာထားတဲ့ မြို့နယ် (၃၇)မြို့နယ်မှာ ကယား(ကရင်နီ) ပြည်နယ်က ဒီးမော့ဆို၊ ဖရူဆိုဘော်လခဲနဲ့ ရှားတောမြို့နယ်တွေ ပါဝင်ခဲ့ပြီးနောက်မှာ အဲဒီဒေသတွေမှာ တိုက်ပွဲတွေ ပိုမိုပြင်းထန်လာတယ်လို့သိရပါတယ်။