အကြမ်းဖက် စစ်ကောင်စီ ရဲ့ ဆီတင်ယာဥ် (၁၆) စီးပါ ထောက်ပို့ယာဥ်တန်းကို ပဒေသာမိုင်းနဲ့ တိုက်ခိုက်ခံရ

◼ ထောက်ပို့ ဆီတင်ယာဥ် (၂) စီး ထိခိုက် ပျက်စီးသွားခဲ့

မိတ္ထီလာ – မန္တလေးလမ်းပိုင်းတနေရာမှာ အကြမ်းဖက်စစ်ကောင်စီရဲ့ ဆီသယ်ယာဥ်တန်းကို ပဒေသာမိုင်းနဲ့ ဖေဖေါ်ဝါရီ(၁၆) ရက်မှာ တိုက်ခိုက်ခဲ့ရာ ယာဉ်နှစ်စီး ပျက်စီးခဲ့တယ်လို့ အောင်စည်တော်စစ်ဆင်ရေးရဲ့ အသိပေးထုတ်ပြန်ချက်အရ သိရပါတယ်။

အဲဒီ ဆီသယ်ယာဥ် (၁၆) စီးပါ ယာဥ်တန်းဟာ မိတ္ထီလာကနေ မန္တလေးမြို့ဆီ ‌လောင်စာဆီတွေ သယ်ဆောင်လာကြတာ ဖြစ်ပါတယ်။

မိတ္ထီလာ – မန္တလေးလမ်းဟောင်း ၊ ကျောက်ဆည်နှင့် စဉ့်ကိုင်မြို့ကြားအရောက်မှာ ပဒေသာမိုင်းနဲ့ တိုက်ခိုက်ခဲ့ပြီး ဆီသယ်ယာဉ်ကားတွေအနက် (၂)စီးခန့် ထိခိုက်ပျက်စီးသွားတယ်လို့ ဆိုပါတယ်။

အဲဒီ စစ်ဆင်ရေးကို ကျောက်ဆည်ခရိုင်ပြည်သူ့ကာကွယ်ရေးအဖွဲ့(ပကဖ)၊ မန်းခရိုင်တပ်ရင်းအမှတ်(၅) Myitnge-People Defence Force တပ်ရင်းနဲ့ အောင်စည်တော် စစ်ဆင်ရေးတို့ ပူးပေါင်းလုပ်ဆောင်ခဲ့ကြတာဖြစ်တယ်လို့ အသိပေးထုတ်ပြန်ထားပါတယ်။