ကြာအင်းဆိပ်ကြီးရှိ ဒေသခံအချို့ကို လူသားတံတိုင်းလုပ်ပြီး ခမရ(၅၆၆)တပ်ရင်း ပြန်လည်ဆုတ်ခွာ

◼ စစ်ကောင်စီက ဒေသခံများကို လူသားတံတိုင်းလုပ်ကာ ဆုတ်ခွာစဥ် အမျိူးသမီး တချို့နဲ့
ကလေးငယ်အချို့အပါအဝင် ရွာသူရွာသား(၆)ဦးခန့် ပျောက်ဆုံးနေ

ကရင်ပြည်နယ် ကြာအင်းဆိပ်ကြီးမြို့နယ်အတွင်း ကရင်အမျိုးသားလွတ်မြောက်ရေးတပ်မတော် (KNLA) ပူးပေါင်းအဖွဲ့ နဲ့ အကြမ်းဖက်စစ်ကောင်စီတပ်တို့ ဖေဖေါ်ဝါရီ (၁၆) ရက်က တိုက်ပွဲဖြစ်ပွားခဲ့ရာ မှာ စစ်ကောင်စီတပ်က ဒေသခံပြည်သူတွေကို လူသားတံတိုင်းလုပ်ပြီး ပြန်ဆုတ်ခွာခဲ့တယ်လို့ အမျိုးသားညီညွတ်‌ရေးအစိုးရ(NUG) ကာကွယ်‌ရေးဝန်ကြီးဌာနက ဖေဖေါ်ဝါရီ(၁၇)ရက်မှာ ထုတ်ပြန်ချက်အရသိရပါတယ်။

KNLA ပူးပေါင်းတပ်နဲ့ အကြမ်းဖက်စစ်ကောင်စီ ဇရဲအခြေစိုက် ခမရ (၅၆၆) တပ်ရင်း အင်အား(၅၀)ခန့် တို့ဟာ နာရီဝက်ကြာတိုက်ပွဲ ပြင်းထန်စွာဖြစ်ပွားခဲ့ကြတာဖြစ်ပါတယ်။

တိုက်ပွဲဖြစ်ချိန်တွင် စစ်ကောင်စီတပ်က ဒါလီကျေးရွာနဲ့ ထီးမူးခီး ရွာနေပြည်ဒေသခံများကို လူသားတံတိုင်းလုပ် အကာအကွယ်ယူကာ ပြန်လည်ဆုတ်ခွာ သွားတယ်လို့ ထုတ်ပြန်ဖော်ပြထားတာပါ။

အဲဒီလို ဆုတ်ခွာပြီးတဲ့အချိန်မှာ အမျိုးသမီးနဲ့ ကလေးငယ် အပါအဝင် ရွာသူ၊ ရွာသား ခြောက်ဦးခန့် ပျောက်ဆုံးနေတယ်လို့ သိရပါတယ်။