မြိတ်မြို့နယ်က စစ်ဆေးရေးဂိတ်တိုက်ပွဲ စစ်ကောင်စီဘက်က (၃)ဦးသေဆုံး (၅)ဦးဒဏ်ရာရရှိ

◼ MA 3 သေနတ်တလက်သိမ်းဆည်းရမိခဲ့

တနင်္သာရီတိုင်း၊မြိတ်မြို့နယ် တုံးဗျောကြီးကျေးရွာ လမ်းဆုံမှာ ရှိတဲ့ အကြမ်းဖက်စစ်တပ်ရဲ့စစ်ဆေးရေး စခန်းတခုကို ပြည်သူ့ကာကွယ်ရေးတပ်ဖွဲ့တွေက ဖေဖော်ဝါရီ (၁၇) ရက်မှာ ဝင်ရောက်စီးနင်းခဲ့တာကြောင့် အကြမ်းဖက်တပ်သား (၃) ဦးသေဆုံးခဲ့တယ်လို့ တနင်္သာရီ စစ်ဒေသခွဲ-ကွပ်ကဲရေးအဖွဲ့-ပြန်ကြားရေးက သတင်းထုတ်ပြန်ထားချက်အရသိရပါတယ်။

အဲ့ဒီ စစ်ဆင်ရေးကို ပြည်သူ့ကာကွယ်ရေး တပ်မတော် မြိတ်ခရိုင်တပ်ရင်း ၂ ၊ တနင်္သာရီမြို့နယ် (ပ.က.ဖ)၊ မြိတ်မြို့နယ် (ပ.က.ဖ)၊ ကျွန်းစုမြို့နယ် (ပ.က.ဖ) ပြည်သူ့ကာကွယ်ရေး ပူးပေါင်းတပ်ဖွဲ့တွေက လုပ်ဆောင်ခဲ့တာပါ။

တိုက်ပွဲဟာ (၂) နာရီ အကြာတိုက်ခိုက်ခဲ့ကြရတာဖြစ်ပြီး အကြမ်းဖက်စစ်ကောင်စီဘက်ကစစ်သား(၃)ဦးသေဆုံးခဲ့ပြီး (၅) ဦးဒဏ်ရာရရှိခဲ့တာပါ။

ဒါ့အပြင် MA 3 သေနတ်တလက်ကိုလည်း သိမ်းဆည်းရရှိခဲ့တယ်လို့ တနင်္သာရီ စစ်ဒေသခွဲ-ကွပ်ကဲရေးအဖွဲ့-ပြန်ကြားရေးက ပြောပါတယ်။

အဲဒီတိုက်ပွဲမှာ ပြည်သူ့ကာကွယ်ရေး ပူးပေါင်းတပ်ဖွဲ့​တွေ ထိခိုက်မှုမရှိ အောင်မြင်စွာ ခွာစစ်ဆင်နိုင်ခဲ့တယ်လို့ သိရပါတယ်။