မြင်းမူတွင် PAFD အဖွဲ့ရဲ့ စစ်ဆင်ရေးတခု ပြည်သူအချို့ကြောင့် ပစ်မှတ်ကို မတိုက်ခိုက်နိုင်ဘဲ ဖျက်သိမ်းခဲ့ရ

စစ်ကိုင်းတိုင်း မြင်းမူမြို့ ရှိ အကြမ်း‌ဖက်စစ်ကောင်စီတပ်ကို ပါဆယ်မိုင်းနဲ့ တိုက်ခိုက်ဖို့ ဖေဖေါ်ဝါရီ (၁၉) ရက်က
ပြင်ဆင်ထားတုန်းမှာ ပြည်သူတွေ ဖြတ်သန်းသွားလာနေကြတာကြောင့် စစ်ဆင်ရေးကို ဖျက်သိမ်းလိုက်ရတယ်လို့ အာဏာရှင်စနစ်တိုက်ဖျက်ရေးပြည်သူ့တပ်ဖွဲ့(PAFD) ပြန်ကြားရေးဌာန ရဲ့ သတင်းထုတ်ပြန်ချက်အရသိရပါတယ်။

မြင်းမူမြို့ပေါ်ရှိ အကြမ်းဖက် စစ်ကောင်စီတပ်နဲ့ ရဲစခန်း ရှိရာ လွတ်လပ်ရေးကျောက်တိုင်အနီး မှာ ခွေးစာလို့ရေးထား ပါဆယ်မိုင်းနဲ့ တိုက်ခိုက်ဖို့အတွက် PAFD ရဲဘော်များတွေက အဆင်သင့်ပြင်ထားပြီးသားဖြစ်ပါတယ်။

အကြမ်းဖက် စစ်​ကောင်စီတပ်သားသုံးဦး စခန်းက ထွက်လာချိန်ဖောက်ခွဲတိုက်ခိုက်တော့မယ့် အချိန်မှာပဲ စစ်သားတွေ နဲ့ အတူ အမျိုးသမီးတဦး၊ ကလေးတဦးနဲ့ ပြည်သူ့ကားတစီးတို့ ပစ်မှတ်နားကို ကပ်လာတာကြောင့် ပြည်သူတွေကို ငဲ့ညှာပြီးတော့ ဖောက်ခွဲမှုမလုပ်ခဲ့တာ ဖြစ်တယ်လို့ PAFD ပြန်ကြားရေး က ပြောပါတယ်။

အခြေအနေတွေကို ထပ်မံစောင့်ဆိုင်းနေတုန်းမှာပဲ အကြမ်းဖက် စစ်ကောင်စီတပ်က သိရှိသွားတာကြောင့် မိုင်းရှင်းအဖွဲ့တွေ ရောက်လာပြီး ဖောက်ခွဲ ဖျက်ဆီးလိုက်တာကြောင့် တော်လှန်ရေးရဲဘော်တွေ ပြန်လည်ဆုတ်ခွာခဲ့ ရတာ ဖြစ်ပါတယ်။

နောက်နောင်တွင် အကြမ်းဖက် စစ်ကောင်စီနောက်လိုက်များရှိရာနေရာတွေကို ပြည်သူများအနေနဲ့ ဖြတ်သန်းသွားလာခြင်းတွေမပြုလုပ်ကြဖို့ ၊ ရှောင်ရှားကြဖို့ ပြည်သူတွေကို အာဏာရှင်စနစ်တိုက်ဖျက်ရေးပြည်သူ့တပ်ဖွဲ့(PAFD) က မေတ္တာ ရပ်ခံ ထုတ်ပြန်ထားပါတယ်။

အဲဒီ စစ်ဆင်ရေးကိုPeople’s Army To Fight Dictatorship(PAFD).တပ်ခွဲDK PDF(MMU). People’s Knight Defense Force Myinmu (PKDF.MMU).မြင်းမူမြို့တိုက်နယ်အနောက်ခြမ်း ပ က ဖ TAUNGTHA People Defense Force(TTAPDF). D.B.B.F.MMU မဟာမိတ်အဖွဲ့တွေကပူးပေါင်းဆောင်ရွက်ခဲ့ကြတာ ဖြစ်တယ်လို့သိရပါတယ်။